domingo, 19 de noviembre de 2017

KRONIKA PASAIA. AZAROAK 5

EUES



BISITA:


2017ko azaroak 5ea kurtso honetako lehengo irteerari ekin genion. Eta ohitura ez galtzearren neguko lehenengo ekaitz gogorrarekin bate gin zuen. Beraz larunbatean whatsappean jo ta ke aritu ginen ea igandean zein eguraldi egongo ote zen.

Eta eguna iritsita zerua lainotuta eta euritsua aurkitu genuen, baina espero baino lasaiagoa. Azkenean, baja batzuk izanda normala den bezala, 60 bat mendizale elkartu ginen Pasai San Pedron bisita egiteko asmoarekin.

Goiz hartan bertan B plana antolatu genuen Materreko gidarekin: Taldeka pista jokoa Pasai San Pedrotik eta Arraunean ibiltzeko hastapen urratsak. Erabaki hartzeko orduan urdin-urdina zegoen eta baikorrak Pasaiako Itsasargien bisita mantentzea bozkatu genuen, aterperik ez ego narren.
Baina Izaskun, gure gida, materialaren bila joan zen bitartean zerua estali egin zen eta bat batean izugarriko ekaitza eta haizearen artean berriz bozkatu genuen eta zalantzarik gabe B plana atera zen aho batez.

Oso profesionalak eta adikorrak gure gidak (Izaskun eta Ana) ulertu zituzten geure zalantzak eta nola ez geure erabakia. Beraz bi taldetan banatu ginen: txikienak (haien familiakoekin) pista jokura eta handienak ehun urtedun San Pedro Arraun elkartera, txangoari hasiera emateko.
Eta euri-zaparradarenpean bakoitza bere taldearekin…. Izaskun Sanpedrotarra Arraun elkartera joaten zen handien taldearen buruan. Bertan traineruak ikusi genituen. Bai Libia bai haren ahizpa txikiak: trainerillak.
Arrauna ohiko ekintza izan da beti Pasaian. Portu naturala dela eta herria 4 barrutiz osatuta dago: Pasai Antxo, San Pedro, Donibane eta Trintxerpe. Gaur egun badago motora ertze batetik bestera joateko baina aitzinean batelariek zuten horren ardura. Herriko emakumeak ziren eta bosnaka, 4 arraunlari gehi patroia, ontzia gidatzen zuten garraio gisa.

Marinelek (13 arraunlari gehi patroia) trainera erabiltzen zuten baleak eta beste zenbait espezie arrantzatzera joateko. Trainerilletan berriz, 7 gehi patroia joaten ziren.
Azalpen guzti hauek, aurten ehun urte kirol elkartea bezala bete duen Sanpedrotar Arraun Elkarteko Luis Javier Salaberriak atseginez azaldu zigun. Nola ez San Pedro eta Donibanen arteko lehiakortasun historikoari buruz ere hitz egin zigun. Gaur egungo arrosa eta moratuekin lotua dagoena.

Traineruek 15 metro neurtzen dute eta 200 kg. baino gehiagoko pisua izan behar dute. Arraunak TOLETEan mantentzen dira, ontzira lotuta dagoen makiltxo antzekoa. Eta arrauna toleteari eusten dionari ESTROPUa deitzen zaio. Eguraldi txarrari eta batez ere Itsasoko sagailoari aurre egiteko BRANKAn (aurrealdean) PALKA jartzen da ontzia urez bete ez dadin.
Istriborra eskuinean dagoela azaldu zigun (erdaraz: gehienok “estribimos” eskuinekoarekin) eta ababor ezkerraldean.

Arrauna entrenamendu handia eskatzen duen kirola gogorra da. Eta horretaz jabetzeko haien instalazioak erakutsi eta frogarazi zizkiguten. Gehien bat entrenamendu-fosa. Harantz abiatu ginen ba! Egia esateko primeran pasa genuen, arraunean, txirringa estatikoak, ergometroak eta korrika egiteko zintak erabiliz. Sasoi-betean jarri ginela! Eta arrauna ematen duen baina zailagoa
dela konturatu ginen, eta denok batera??? Okerrago oraindik!!



“Entrenamendu-saioa” bukatuta ekintza aldaketa egin genuen. Txikiak arraun egitera eta handiak pista-jokora. Bi taldetan, urdina eta gorria, 10 puzzle-pieza bildu behar ziren altxor-mapa baten puzzlea osatzeko hain zuzen ere. Pistak herritik bilatuz edota herritarroi galdetuz lortu behar ziren.

Primerako lehiaketa izan genuen, gehien bat mendizale txikiek (baita helduren bat ere) seriotasun handiz hartu zutela erronka.

Laburbilduz, eguraldi txarra eta plana aldatu behar izan arren, goiz zoragarria pasa genuen.
Eskertzekoa “Mater Museoko” langileen pazientzia eta profesionaltasuna geure beharrei egokituz.

Zuetako askoren eskaerei erantzuten hurrengo urterako Ontzi-museorako bisita antolatuko dugu itsasorako irteera barne, ahal bada.

Bitartean, mila esker parte hartu zenuten guztioi eta hurrengo irteeran itxaroten zaituztegu: Abenduaren 2an, larunbatean, Mirandaolan egongo den Olentzero bisitatzeko.







viernes, 17 de noviembre de 2017

Olentzero en Mirandaola - 2 diciembre Sabado

EUES


OLENTZERO IKAZKINA MIRANDAOLAN -- ABENDUAK 2 LARUNBATA

Oraingoan PLAZA MUGATUAK daude, beraz eskolako ikasleei emango zaie lehentasuna baita BLOGean izena ematearen ordenari



BISITA:



Euskal Burdinaren museoan hasten da, non Olentzero ikazkinaren ogibidea ezagutuko dugun. Olentzero, Mari Domingi eta Napoleon astoaren ipuina ere entzungo dugu.

Ondoren Mirandaola parkera irtergo gara Olentzeroren bila. Bapatean menditik jeisten ikusiko dugu bere zaku eta guzti eta haur eta gurasoek ozen deitu beharko diogu, guregana gerturatzeko. Parkean denak elkartu eta burdinolara joango gara, olagizon baten laguntzarekin.


Bisitaren bigarren zatia, Mirandaolako burdinolan gauzatuko da. Bertan haurrek, Olentzerorekin egoteko aukera izango dute eta banan-banan pasako dira Olentzerori eskutitza emateko, argazkia ateratzeko, txupetea eman...
Bukatzeko Mirandaolako labean danbolinan erretako gaztaina goxoak dastatuko ditugu.


Iraupena ordubetekoa izango da eta bi txanda egongo dira: 18,00etan eta 19,00 etan. IZENA EMATEKO ORRIAN GEHIEN KOMENI ZAIZUENA JAR DEZAKEZUTE BAINA ERRESPETATZEN SAIATU ARREN TALDEEN KOPURUA ANTZEKOA IZAN BEHARKO DA BERAZ


BEHIN BETIKO TALDEAK BLOGEAN ARGITARATUKO DIRA


Mirandaolan bertan geldituko gara, hango kafetegiko atean hain zuzen ere, ordu erdi lehenago.
Oraingoan eta bisitaren ordutegia dela eta ez dugu bazkaririk proposatzen.



Garraio publikoan joan nahi izango duzuen guztiontzat, hona hemen renfe web orrirako esteka:
http://www.renfe.com/viajeros/cercanias/sansebastian/. Gertuen dagoen geltokia Legazpia da.


ESKU-ARGIAK (oso garrantzitsuak ilunduta egongo delako) eta argazki-kamera eramatea gomendatzen da.


PREZIOA



2 urtetik gorako mendizaleak (2 urtekoak ere): 6€ / pertsonako
2 urte baino txikiagoak: Doan


IZENA EMATEA

Izen-ematea burutzeko DERRIGORREZKOA IZANGO DA, EZARRITAKO EPEAN, ZENBATEKO DOIA GUTUNAZAL BATEAN SARTU ETA TUTOREARI EMATEA

TXANGORA JOATEKO IZENA EMATEKO AZKEN DATA

AZAROAK 23 OSTEGUNA


krakoleta@gmail.com

BLOGEAN AGERTZEN DEN FORMULARIOAREN BIDEZ IZENA EMATEA:




Online inskripzioa


sábado, 28 de octubre de 2017

Faros de Pasaia

EUES



BISITA:


Mater Museoko gida baten eskutik Pasaiako aberastasun naturala eta kaiaren ezaugarriak ezagutzeko aukera izango dugu, bereziki diseinatu den ibilbidean. Bertako kaia Kantauri itsasoko seguruena izendatua izan da.

Iraupena: 11,00etatik – 13,00ak arte izango da.
Irteera: Oleta eraikinetik 10,15etan.


Gomendatzen de etxetik ondorengo materiala eramatea: oinetako itxiak eta ez labaingarriak, txapela,eguzkitako krema edo aterkia (beharrezkoa bada).Argazki-kamera.

Banatzen den materiala: ibilbidearen mapa; horietan bisitatuko diren lekuen deskripzioa jasotzen da.

Ibilbidea AULKITXOEKIN JOATEKO EGOKIA EZ DELA jakinarazten dizuegu.



PREZIOA


Edozein adineko mendizaleak 4€ / pertsonako

BAZKARIA

Eguraldiaren arabera bertan zelai batzuk daude bazkaltzeko. San Pedron ere Tabernaren bat badago
bokatak erosi ahal izateko.

FAMILIA BAKOITZA ARDURATUKO DA BERE KIDEEN BAZKARIAZ.


TXANGORA JOATEKO IZENA EMATEKO AZKEN DATA

URRIAK 31 ASTEARTEA


krakoleta@gmail.com

BLOGEAN AGERTZEN DEN FORMULARIOAREN BIDEZ IZENA EMATEA:





Online inskripzioa


lunes, 23 de octubre de 2017

IKASTURTE 2017-2018 CURSO

EUES

Kaixo Krakoletarrak!

Urtero bezala hona hemen 2017/2018 kurtsoko egutegia. Berrientzat azalpen txiki bat gure taldea ezagutu ahal izateko:

Kurtsoan zehar adin guztientzat bideratutako zenbait txango antolatuko dira non gure inguruneko mendiak eta natura ezagutzeaz gain eskolako lagun berriak egiteko aukera izango dugun.

Irteera irekiak izango dira senitarteko edota lagunak etorri ahal izateko geure ikasle eta heldu batekin lagunduta etorriz gero.

Azken txangoan, zenbait ateraldietara etorritako umeei SARI BAT emango zaie Harriolea Guraso Elkarteak finantzatuta.
ANIMA ZAITEZTE!

Aukera paregabea da geure txikiak mendiaz gozatzeko eskolako lagunekin.

Gogorarazi nahi dizuegu geure taldeari buruzko berri guztiak eskuragarri dituzuela blogean: http://krakoleta.blogspot.com.es/
Eta iradokizunak edo gurekin harremanetan jarri nahi izanez gero:

krakoleta@gmail.com
ONGI ETORRI DENOI !

2017 / 2018 IBILALDIAK


  • PASAIAKO ITSASARGIAK
    AZAROAK 5
    Pasaiko portu naturaletik bisita gidatua
  • OLENTZERO
    ABENDUAK 2 – LARUNBATA ARRATSALDEAN!!
    Olentzero Mirandaolan (Legazpia)
  • IPAR MARTXA
    OTSAILAK 11
    Aspanogiren eskutik
  • ITURRARAN PARKETXEA (Aia)
    APIRILAK 22
    Agorregiko errotetarako bisita eta ogi tailerra
  • ARGAZKI-RALLYE
    MAIATZAK 20
    Donostia Kultura eta Altza Mintegiaren eskutik argazki-txapelketa



jueves, 8 de junio de 2017

OIANLEKU - OIARTZUN

EUES



Kaixo mendizaleok!

Iritsi da kurtso honetako azken irteera!
Oraingoan Oianlekura hurbilduko gara. Zorionez Aiako Harriko Parke Naturalak paregabeko kromlech bateratzea du, eta guk argazki gehienetan ateratzen dena bisitatuko dugu.

Irteera, Oiartzundik Artikutzarako errepideko 12,8 km-ko Kauso Aparkalekutik egingo da.

Ibilbidea 5 km ingurukoa da (joan eta etorri) eta bueltan aparkalekuko ondoko zelaietan bazkalduko dugu. Baliteke ere bidetik lokatza aurkitzea, errekaren bat pasa behar dugu eta.

Bazkaldu eta gero gure mendizale txikientzat “sari” banaketari ekingo diogu.

ATERATZEKO ORDUA


10,00 etan KAUSO aparkalekuan.

BAZKARIA


Eguraldiaren arabera aparkalekuaren ondoko zelaietan bazkalduko dugu. Ongi legoke baloiak, sokak,

erraketak…

FAMILIA BAKOITZA ARDURATUKO DA BERE KIDEEN BAZKARIAZ.



TXANGORA JOATEKO IZENA EMATEKO AZKEN DATA EKAINAK 9 OSTIRALA



BLOGEAN AGERTZEN DEN FORMULARIOAREN BIDEZ IZENA EMATEA








Online inskripzioa



OIANLEKU - OIARTZUN

domingo, 4 de junio de 2017

ASISTENCIA ORRIA

EUES


Kaixo mendizaleok,


Hona hemen geure mendizale txiki bakoitzak egindako irteerak. Akatsen bat ikusiz gero

bidaliguzue, arren, email bat honako helbidera: krakoleta@gmail.com.

Mila esker!!





















Kaixo mendizaleok,

Hona hemen geure mendizale txiki bakoitzak egindako irteerak. Akatsen bat ikusiz gero

bidaliguzue, arren, email bat honako helbidera: krakoleta@gmail.com.

Mila esker!!

____________________________________________________________________________

Kaixo mendizaleok!

Aquí tenéis el número de salidas en las que ha participado cada un@ de nuestr@s mendizales

txikis. En caso de encontrar algún error comunicádnoslo, por favor, a través del mail:

krakoleta@gmail.com

Muchas gracias!!

miércoles, 31 de mayo de 2017

AVISO IMPORTANTE // ABISU GARRANTZITSUA

EUES


Kaixo mendizaleok!


Ekainak 4ko irteera EKAINAK 11ra ATZERATU EGINGO DUGU Eskolako 3. Ziklokoek eta Dantza Jardueran parte hartzen duten haurrek zenbait ekitaldi dituztelako asteburu honetan.

Eskerrik asko eta barkatu azken orduko aldaketa hau.